Almenn framburðarorðabók fyrir talgreiningu



Almenn framburðarorðabók fyrir talgreiningu er unnin upp úr Framburðarorðabókinni (sjá ‘Framburðarorðabókin’ á forsíðu). Hún inniheldur sem stendur um 136 þúsund orð hljóðrituð með IPA.



NOTA FRAMBURÐARORÐABÓK FYRIR TALGREININGU

• Sækja Íslensk framburðarorðabók, V1 fyrir Kaldi hugbúnaðinn hér. Með CC BY 4.0 leyfi.

Um almenna íslenska framburðarorðabók fyrir talgreiningu
Orðabókin er unnin upp úr Framburðarorðabókinni (sjá ‘Framburðarorðabókin’ á forsíðu) sem þróuð var innan Hjal verkefnisins. Hún er notuð í opnum íslenskum talgreini fyrir íslensku sem er í þróun við Háskólann í Reykjavík, sjá https://github.com/bnika/ice-asr.
Samsetning orðalista
Talgreinirinn var þjálfaður á Málrómi (sjá ‘Málrómur’ á forsíðu) og algengum orðum úr þeim textum var bætt við framburðarorðabókina. Einnig var orðaforðinn stækkaður með algengum orðum úr Íslenskum orðasjóði (sjá ‘Íslenskur orðasjóður’ á forsíðu). Jafnframt var orðum sem ekki koma fyrir í Málrómi eða textasafni Orðasjóðsins eytt af orðalista orðabókarinnar.
Hljóðritun
Hljóðritanir Hjal orðabókarinnar, sem eru handunnar, voru að nokkru leyti yfirfarnar. Fyrst og fremst var þess gætt að engin hljóðritunartákn fyrir utan þau tákn sem skilgreind voru fyrir talgreininn væru notuð, innsláttarvillur leiðréttar og samræmi í hljóðritun aukið.
Framburðarmöguleikum einstakra orða hefur einnig verið fækkað nokkuð. Yfirfarnar hljóðritanir voru notaðar til þess að þjálfa grapheme-to-phoneme algrím sem hljóðritar ný orð sjálfvirkt, og öll orð sem bætt var við orðalistann hljóðrituð með þeirri aðferð.
Útgáfa fyrir talgreiningu með Kaldi
Búið er að útbúa þau gögn úr framburðarorðabókinni sem nauðsynleg eru fyrir vinnu með Kaldi talgreinishugbúnaðinn.
Framburðarorðabókin fyrir talgreiningu verður uppfærð reglulega ásamt tilheyrandi talgreinisgögnum.


Nota Framburðarorðabók fyrir talgreiningu
Hægt er að sækja Framburðarorðabókina hér á vefnum. Væntanlegir notendur þurfa að skrá sig og samþykkja notkunarskilmála. Textarnir eru aðgengilegir með CC BY 4.0 leyfi.


Hafið samband
Anna Björk Nikulásdóttir
Netfang: annabn@ru.is
Jón Guðnason
Netfang: jg@ru.is